Convention Bureau

Quan es negòcis se transformen en plaser
Era escomesa mès vangardista qu'a hèt recentaments era Val d’Aran a estat eth torisme de negòcis damb eth mentat ‘Convention Bureau’, qu'aufrís era possibilitat de combinar trabalh o negòcis e plaser. Arren de melhor entara presa de decisions qu'auer era ment relaxada e concentrada mercés as elements de benèster qu'aufrís era Val, en tot transformar era experiéncia de trabalh en quauquarren mès, lèu en ues vacances, mès damb resultats. Ua reünion d'enterpresa, ua amassada de jogadors d'ua equipa o ua convencion de trabalh d'un sector, se pòden convertir en un sojorn de relax que facilite eth devier des eveniments e estimule encara mès er assolidatge des objectius que s'an prepausat.

Fòrça des otèls dera val, entre es que se compden ueit de 4 esteles e quate de 5 esteles possedissen sales de convencions entà desparièrs tipes d'eveniments e equipades damb es tecnologies mès auançades, e se somen a d'autes sales de contorn public. Er entorn naturau e es aufèrtes de benèster apòrten eth rèste d'elements de besonh entà transformar es negòcis en un plaser que trinque transgressorament damb eth vielh topic de pas barrejar negòcis damb plasers.

Activitats d'espòrts d'aventura e espòrts d'elit, coma eth ráfting, eth eliesquí o eth gòlf s'ahigen ara experiéncia e la convertissen en un combinat que serà malaisit de desbrembar, que serà un motiu entà tornar.