• Dimenjada tamb caumàs e preséncia de povàs en suspension.
    by Unknown on 4 setembre, 2026 at 05:46

    Diuendres 4 de seteme
    Pic de calor acusada entara epòca e cèus radiants en Aran. Pendent era jornada eth solei luderà de forma intensa sus cèus nets e entièraments sereni. Ara fin deth dia s'enregistrarà era entrada de povàs en suspension, que mos acompanharà es pròplèus dies. Vents fèbles deth nòrd-oest.
    Es temperatures maximes enregistraran valors fòrça nauti entara epòca, coma es dies de mès calorassa d'aguest estiu.
    🌡️ Arròs: 15 °C / 34 °C
    🌡️ Gessa: 13 °C / 32 °C

    Dissabte 5 de seteme
    Calor e calima. Solei leugeraments embaranat per primi bromalhs nauti e povàs. A compdar deth meddia creisheràn timits cumuls damb ua probabilitat anecdotica deth 10% de quauque borrat fòrça fèble e escampilhat.
    Es temperatures contunharàn den tot èster fòrça nautes.
    🌡️ Arròs: 16 °C / 32 °C
    🌡️ Gessa: 15 °C / 31 °C

    Dimenge 6 de seteme
    Contunhitat deth temps estable, fòrça calurós e damb povàs en suspension. Pendent era jornada predominará eth solei velat per primi bromalhs nauti, un shinhau mès densi qu'ena jornada precedenta e tamben preséncia de povàs en suspension. Vents loishi deth sud-oest.
    Es temperatures contunharàn en valors fòrça enventidi.
    🌡️ Arròs: 16 °C / 33 °C
    🌡️ Gessa: 15 °C / 32 °C