• Dimenjada damb calima, probabilitat nauta de tronades de tarde e temperatures un shinhau peth dessús des abituaus.
    by Unknown on 24 abril, 2026 at 05:40

    Diuendres 24 d'abriu
    Auta jornada damb calima qu'a començat damb solei e quauqui bromalhs nauti fòrça primi. Pera tarde apareisheràn quauques bromes baishes e se formaràn cumuls damb un 80% de probabilitat de tronades acompanhades de hanga e mes probables en vessant sud, a on poderien èster mès intenses.
    Es temperatures contunharàn en tot èster mès tipiques de finau de mai o principis de junh.
    Vilac: 🌡️ 9 °C / 22 °C
    Arres: 🌡️ 8 °C / 20 °C

    Dissabte 25 d'abriu
    Persistirà eth povàs en suspension. Dempús d'un maitin de solei nuançat per bromalhs nauti e quauqua broma baisha, pera tarde se potenciaràn es bromalhs convectius e tornarà a presentar 80% de probabilitat de tronades, de nau damb major incidéncia en vessant sud e qu'en cas de produsir-se deisharien un shinahu d'hanga.
    Se notarà ua leugèra descenuda termica, damb temperatures en tot ténder a normalizar-se.
    Vilac: 🌡️ 10 °C / 18 °C
    Arres: 🌡️ 9 °C / 17 °C

    dimenge 26 d'abriu
    Era setmana barrarà damb ua tonica similar e preséncia de calima. Eth maitin compdarà damb solei embaranat per bromalhs nauti, ath temps que pera tarde tornaràn a créisher bromes d'evolucion damb ua probabilitat de tronada que se plaçarà ath torn deth 70%. Es temperatures maximes se recuperaràn leugèraments.
    Vilac: 🌡️ 10 °C / 20 °C
    Arres: 🌡️ 9 °C / 18 °C