• Fin de setmana assolelhat e damb temperatures heiredes ena Val d'Aran.
    by Unknown on 16 octubre, 2020 at 05:39

    Aué diuendres 16 d'octobre, auram solei damb quauques bromes baishes escampilhades en zònes deth Baish Aran, a prumères e darrères ores.
    Temperatures encara de plen iuèrn, sustot es minimes, qu'an provocat era prumèra gelada dera sason en zònes baishes dera Val (-1º/9º en Betlan; -2º/7º en Unha).

    Eth dissabte 17, auram cèus sereni plapejadi per quauques bromes nautes e primes.
    Es temperatures contunharàn en tot èster heiredes encara qu'es diürnes se recuperaràn fòrça leugeraments (0º/12º en Betlan; -1º/10º en Unha).

    Eth dimenge 18, seguiram damb ambient assolelhat guarnit damb quauqui bromalhs nauti e isoladi.
    Es temperatures nocturnes contunharàn fòrça heiredes, ath temps que es maximales en lenta recuperacion (0º/13º en Betlan; -1º/11º en Unha).

    A compdar deth deluns, es temperatures se normalizaràn, e inclús se plaçaràn peth dessús des normaus entà miei octobre.